Јувентус е на чекор да испадне во осмина финалето од ЛШ по вчерашниот пораз од 2:0 од Атлетико Мадрид.
Италијанскиот првак ја чека европската титула од 1996 година, а има изгубено рекордни седум финалиња.
Токму поради тоа, „старата дама“ е под голем притисок и со голема фрустрација игра во ЛШ, а секој нејзин пораз ривалските клубови во Италија го дочекуваат со големо задоволство.
Не е тајна дека овој Јувентус е така составен за да може да освои сѐ. Минатото лето стигна и Кристијано Роналдо.
Меѓутоа, Атлетико Мадрид веќе петта година е најверојатно најдобрата екипа на светот и во двата натпревари, што го покажа и вчера кога речиси го прегази противникот од Торино во второто полувреме.
Иако е во тешка ситуација, Јувентус не се откажува и верува дека може да ги надомест двата гола пред своите навивачи.
„Во првото полувреме бевме многу добри, но во второто дозволивме Атлетико да ја води играта. Беа агресивни и можеа да забијат уште некој гол. Одлично се бранеа и нѐ изненадија. Но, нема смисла да плачеме сега по истурено млеко. Разочарани сме, но веруваме дека ќе поминеме. Ни треба одличен камбек, совршена претстава, а тоа е можно само ако навистина веруваме“, беше јасен тренерот на Јувентус Масимилијано Алегри, а потоа на сите им упати кратка и јасна порака:
„Уште не сме мртви!“