Чилеанецот и натаму ќе зема вртоглава плата од Манчестер Јунајтед, Интер ќе покрива дел, а ќе биде на едногодишна позајмица без право на откуп.
Алексис Санчес синоќа пристигна во Милано каде денес треба да ги мине лекарските прегледи за и официјално да стане нов играч на Интер. Тој ќе биде петтиот Чилеанец кој играл за „нераѕурите“ по легендарниот Иван Заморано, Давид Писаро, Луис Хименес и Гари Медел.
Преголемата плата на Санчес беше главната пречка за неговиот трансфер на „Меаца“. Манчестер Јунајтед инсистираше Интер да го плаќа поголемиот дел, но на крајот бидејќи очајно сакаше да се ослободи од него сепак прифати да биде обратно. Интер ќе му плаќа 175 илјади фунти неделно, а Манчестер останатите 215 илјади. Така, Санчес ќе игра за Интер, но и натаму ќе биде меѓу најплатените на Јунајтед.
По завршувањето на сезоната двата клупа ќе имаат нови преговори за иднината на играчот бидејќи сегашниот договор е без опција за откуп.
