Полицијата во Чикаго потврди дека во лагуната на еден од најпопуларните паркови во Чикаго живее алигатор, долг метар и половина.
Портпаролот на полицијата, Ентони Гилјеми изјави дека истражителите отишле во паркот Хамболт и потврдиле дека таму навистина се наоѓа еден несекојдневен жител, за кого луѓето претходно објавуваа на социјалните мрежи.
Властите немаат одговор на прашањето како животното се нашло тука. Градските челници наведуваат дека се поставени замки за алигатори со надеж дека животното ќе биде уловено во една од нив.
Гилјеми се надева дека алигаторот наскоро ќе биде фатен и пренесен во Зоолошка градина, каде ќе биде прегледан од ветеринар, пренесува AP.