Македонскиот репрезентативец е главна тема во Англија откако синоќа изнуди црвен картон за напаѓачот на Арсенал и тоа со прилично добра глума иако ниту потегот на Пепе не беше ништо подобар.
Еден од хероите од Тбилиси синоќа имаше свое шоу и на Островот. Лидс Јунајтед на Езџан Алиоски на домашен терен го пречека Арсенал, кој како благ фаворит влезе на дуелот, а нашиот Џани четврти пат сезонава се најде во почетните 11 во Премиер лигата.
Алиоски беше еден од најактивните на теренот кај домашните, ги одигра сите 90 минути, но потегот во 51. минута го одбележа натпреварот кој, патем, заврши без голови. Арсенал беше во напад, Алиоски се враќаше да помогне во одбраната, а патеката на движење му се вкрсти со Никола Пепе, репрезентативец на Брегот на Слоновата Коска кој втора сезона е дел од „Топчиите“. Двајцата се судрија, по што Пепе со глава го удри Алиоски, а Македонецот падна на земја како да добил вистински нокаут.
Потегот на Пепе е секако за санкција и тоа со директен црвен картон, кој судијата Ентони Тејлот без размислување му го покажа откако виде на ВАР. Дополнително, можеби и дисциплинската комисија на Премиер лигата ќе му ја зголеми суспензијата на неколку натпревари.
Она што предизвика реакција на Островот, како низ медиумите, така и по социјалните мрежи, е реакцијата на нашиот Алиоски и неговата добра глума. Ударот на Пепе не беше воопшто страшен, но падот на Алиоски беше како да го нокаутирал Хабиб Нурмагомедов, а не Пепе.
Но, на ударот со глава му претходеа неколку дуели на Алиоски и Пепе. Двајцата во неколку наврати налетуваа еден на друг туркајќи се и влечејќи се, а некоја минута пред инцидентот имаше токму таков дуел кој очигледно беше пресуден за однесувањето на Котиворијанецот.
По крајот на натпреварот имаше и мала мешаница кога Киран Тирни сакаше да разјасни некои работи со Алиоски, очигледно посочувајќи го како главен виновник што Арсенал не дојде до планирана победа бидејќи со играч помалку беше тешко да го загрози голот на Лидс.
Затоа, пак, Алиоски само дополнително си ги зголеми симпатиите кај навивачите на Лидс на кои и онака им е миленик поради сите лудории кои ги прави надвор од теренот. Не бадијала и песна му направија: