Нашиот фудбалер набилда статистика и уште еднаш ги импресионираше навивачите на Лидс со својата енергија која ја покажа на теренот.
Неуморниот Езџан Алиоски синоќа блескаше против Милвол. Неговиот Лидс имаше тежок натпревар, на полувреме губеше 0:2 пред своите гледачи на „Еланд Роуд“, за потоа во вториот дел да направи комплетен пресврт и слави победа од 3:2.
Нашиот репрезентативец ги одигра комплетните 90 минути, не постигна гол, не асистираше, но сепак по којзнае кој пат беше играчот кој им остави позитивен впечаток на навивачите, особено со играта во вториот дел. А, во првите 45 минути, токму тој заедно со Лук Ејлинг го срушија Јон Дади Бодварсон за пенал по кој падна вториот гол.
Статистиката која ја извади Лидс за настапот на Алиоски е нереална:
83 допири со топката
80% точност на додавања
52/65 успешност на додавања
23/29 додавања во противничкиот дел
7 одземени топки
3/4 успешност на нафрлувања
2 удари кон гол
2 создадени шанси
2 добиени дуели
Еден од коментарите за неговиот настап од навивач на Лидс вели: „На полувреме ќе го извадев од игра бидејќи се мачеше, но потоа во вториот дел покажа дека е подобро да си седам на каучот и да молчам. Апсолутно неверојатни втори 45 минути, ти се поклонувам синко, ти се поклонувам“.
Други неговиот настап го споредија во Џорди Алба, Меси...