Алкарас доминира во Париз: Го среди Циципас и се пласираше во полуфинале

Шпанскиот тенисер Карлос Алкарас се пласираше во полуфиналето на Ролан Гарос по убедливата победа против Гркот Стефанос Циципас со 6:3, 7:6, 6:4.

Третиот носител на парискиот Грен слем во полуфиналето ќе игра против вториот носител Јаник Синер, кој синоќа го победи Бугаринот Григор Димитров исто така во три сета со 6:2, 6:4, 7:6.

Алкарас доминираше против Гркот до половина од вториот сет кога имаше водство од 1:0 и брејк предност во вториот дел.

Циципас потоа ја врати негативата од брејк и го доби тај-брејкот, но Алкарас повторно беше убедлив и доминантен за водство од 2:0 во сетов.

Во третиот се врати сликата од почетокот на мечот, кога Шпанецот ја контролираше ситуацијата на теренот и без поголеми проблеми избори пласман во полуфиналето.

Инаку, ова беше шести меч на овие двајца тенисери и шеста победа на 21-годишниот Шпанец, кој ги доби последните осум сета во низа против грчкиот играч.