Шпанскиот тенисер Карлос Алкарас ја најави полуфиналната пресметка против Новак Ѓоковиќ на Ролан Гарос, велејќи дека со нетрпение го очекува овој дуел и дека верува дека неговата младост може да го победи искуството на Новак.
Алкараз синоќа со спектакуларна партија, една од најдобрите во неговата не толку долга кариера, го збриша Стефанос Циципас со 3:0 во сетови за да се пласира во полуфиналето на Ролан Гарос. Тој самиот рече дека тоа била одлична партија.
„Моето ниво на игра како што продолжува турнирот е сѐ подобро, играв многу добро и ова е еден од најдобрите натпревари во мојата кариера. Сè што направив изгледаше лесно за другите, можеби дури и за мене во некои моменти. Се обидов да направам едноставни работи, а кога го правам тоа значи дека се чувствувам добро на теренот“, изјави Алкарас.
После тоа го најави дуелот против Новак Ѓоковиќ и изјави дека тоа е пресметка која сите ја чекаат и дека е многу возбуден што ќе игра против тенисерот од Србија.
„Би рекол дека сите го очекуваа овој натпревар уште откако беше објавена жрепката на Ролан Гарос, исто како и јас... Многу сакав да играме, особено по минатогодишниот дуел во Мадрид сакав повторно да играм со него. Двајцата сме на на високо ниво, а ако сакаш да бидеш најдобар, мора да го победиш најдобриот.
„Што ќе биде пресудно, мојата младост или искуството на Новак? Ќе ја изберам мојата младост. Ова ќе биде негово 45-то Грен слем полуфинале, а мене само второ. Искуството е на негова страна, но нема да размислувам за тоа. Што се однесува до играта на Новак, тој е во одлична форма, враќа сѐ и изгледа како ѕид, но ќе се обидам да го заборавам сето тоа и да се фокусирам на мојот тенис. Новак е фаворит, не го велам тоа за да го симнам притисокот, бидејќи јас Мислам дека тој е секогаш фаворит, сѐ додека игра тенис“.
Натпреварот помеѓу Новак Ѓоковиќ и Карлос Алкарас се игра в петок со почеток од 15 часот.