Концептот A110 E-ternity е придвижуван од модифицирана погонска единица што ја нуди Renault со својот електричен модел Mégane E-Tech.
Со откриениот концепт A110 E-ternity, француската автомобилска компанија Alpine покажа дека не се шегуваат кога пред 18 месеци објавија дека ќе се откажат од автомобилите со мотори со внатрешно согорување пред крајот на деценијата.
Со најавата дека наскоро од производствените погони на Alpine ќе излезат два сосема нови електрични модели (кросовер и хечбек), нивниот прв одговор на секогаш присутната електрификација се базира на актуелниот купе модел А110 и моментално е претставен во форма на концепт прототип.
Електричниот A110 E-ternity е минимално различен од стандардниот модел A110 кој го придвижува централно лоцираниот 1,8-литарски четирицилиндричен турбо-бензинец на Renault, а суштинската разлика се крие под хармоничното алуминиумско тело кое ги крие батериите и електричниот мотор. кои се „позајмени“ од неодамна претставениот Renault Megane E-Tech.
Со новата погонска единица пристигнаа дополнителни 258 килограми, но од француската компанија велат дека споменатите килограми не влијаеле на перформансите на електричниот A110 E-ternity, кој заостанува само 0,1 секунда зад послабиот конвенционален при забрзување од 0 до 100 км/час во споредба со послабата, конвенционална верзија (252 КС).
За оптимално поставување на батериите требаше да се направат многу модификации, а доработен е и електромоторот кој во овој случај развива 240 КС и 300 Nm вртежен момент. Со едно полнење на батеријата, Купето може да помине до 420 километри, а публиката првпат ќе го види во живо на претстојната Формула 1 трка во Франција.
