Синоќа на „Вембли“ беа и многу познати фаци, а еден од нив беше и светскиот шампион од 1982 кој на крајот не штедеше зборови да ги омаловажи Англичаните.
Англичаните со своето однесување помалку и си ја бараа бељата. Се фалеа, славеа пред да освојат, но на крајот славјето го земаа Италијанците.
На натпреварот присуствуваше и легендарниот италијански голгетер, Алесандро Алтобели, кој беше дел од златната генерација на „Аѕурите“ која на Мундијалот 1982 во Шпанија се искачи на светскиот трон.
„Многу е весело да се победи на 'Вембли' против Англичаните кои секогаш мислат дека се најдобрите, најголемите, најталентираните, најубавите“, вели Алтобели за RAI Sport, за потоа да додаде:
„А, сепак, која ќе погледнеш во нивниот орман со пехари има само еден 'рѓосан пехар од 1966! Одете ѕирнете во нашиот орман, преполн е!“.
Алтобели во финалето 1982 го постигна третиот гол за Италија против Западна Германија (во 81. минута) тогаш за високо водство од 3:0 практично запечатувајќи ја победата. Потоа Германците успеаја да постигнат еден гол, но финалето заврши 3:1 за Италија и трета титула светски шампион.