Тренерот на Јувентус, Андреа Пирло одговараше на прашања на прес-конференција по првиот натпревар на осминафиналето на Лигата на шампиони во која торинскиот тим беше поразен од Порто со 2 : 1.
Стратегот притоа откри дека шпанскиот напаѓач Алваро Мората се онесвестил по завршетокот на натпреварот.
Шпанскиот напаѓач влезе во игра во шеесет и третата минута, иако беше недоволно подготвен откако цела седмица се бореше со грип, а не беше доволно закрепнат.
„Мората не беше во најдобрата форма, не закрепна доволно од грипот. На крајот од натпреварот мораше да лежи во соблекувалната и накратко се онесвести, а не беше добар ни пред мечот“, изјави Пирло кој беше принуден да го уфрли Шпанецот во игра поради недостаток на други напаѓачки решенија.
Јувентус даде слаб напор и на крајот загуби со 2 : 1.
