Дани Алвес (39) е во притвор под обвинение дека силувал 23-годишна девојка во ноќен клуб во Барселона.
El Caso тврди дека славниот бразилски фудбалер се занимава со шверц на цигари и други залихи, што го постигнува во соработка со друг затвореник со потпишување автограми.
Шпанските медиуми пренесуваат дека еден затвореник, кој има пристап до сите делови на затворот во Барселона, ги собира дресовите на каталонскиот клуб што му ги дале други затвореници, кои ги добиле од членови на семејството. Посредникот потоа ги носи кај Алвес за да ги потпише како најтрофејниот играч досега, по што им ги враќа на затворениците. Според El Caso, посредникот за својата работа најмногу добива цигари.
Шпанската телевизија Cuatro објави дека Алвес одбил да јаде кога дознал дека сопругата Јоана Санз го оставила. Алвес, меѓу другите, е поранешен играч на Севиља, Барселона, Јувентус и ПСЖ. Во текот на својата играчка кариера освои вкупно 43 трофеи со клубовите и со бразилската репрезентација, за кои забележа 126 настапи и постигна осум гола.