Алжирски студент извикувајќи „ова е за Сирија” се обиде да нападне полицаец пред париската катедрала Света Богородица во Париз.
Човекот чие име се чува во тајност, бил застрелан од полицијата откако претходно се обидел со чекан да му ја скрши главата на полицаецот, кој патролирал со двајца колеги на плоштадот пред популарната туристичка атракција.
Напаѓачот е застрелан во областа на градниот кош и тоа два пати. Во него, освен чекан, биле пронајдени ножеви и друг вид на оружје. Напаѓачот изјавил дека е „Војник на калифатот Исламска држава“.
Францускиот министер за внатрешни работи Жерар Коломб изјави дека напаѓачот е студент од Алжир кој извикал „Ова е за Сирија”за време на нападот.
„Мажот се појавил зад полицајците и, вооружен со чекан, почнал да удира еден од нив. Неговите колеги реагирале и го застрелале “, рече Коломбо пред новинарите.
Според него, напаѓачот дејствувал сам. Во текот на нападот, во катедралата бие присутни стотици туристи, пишува Huffington Post.