Едно од главните прашања кога станува збор за дроновите кои служат за достава е што би се случило ако нешто тргне на лошо во текот на доставата, а компанијата Amazon има свое решение.
Amazon оваа недела патентираше дрон кој се распаѓа во итни, односно опасни ситуации.
Станува збор за патент кој се однесува на директна фрагментација на беспилотните летала во итни ситуации.
Во документите стои дека во случај на катастрофален дефект, како што е експлозија на батеријата, контрола врз дронот презема „контролер за фрагментација“.
Компјутерот бргу би можел да го анализира движењето на дронот, временските услови и теренот во негово окружување, пред да се активира „секвенца за фрaгментација“, за потoа дронот полека да започне да се распаѓа во воздухот.
Ова звучи загрижувачки поради безбедносни причини, но, јасно е дека дронот секако ќе падне, па подобро е на површината да заврши во мали парчиња, отколку комплетен.
Илустрација од дукментите за патентот покажуваат како дронот се распаѓа во лет, а потоа удира во дрво.
Меѓутоа, како што е и случај со секој патент, не мора да значи дека Amazon навистина ќе ги произведе овие дронови, туку постои опција само да ги истражуваат можностите за ваков концепт.
