Amazon објави дека забранил продажба на милион производи во последните неколку недели поради лажни тврдења за лекување од корона вирусот или за заштита од инфекција.
Компанијата е под лупа заради производи што се продаваат на неговата платформа, со тврдење дека нудат сигурна заштита од инфекцијата.
Италијанските власти поднесоа кривична пријава против трговците кои ги измамиле клиентите со таквите тврдења, продавајќи заштитни маски и средства за дезинфекција по енормно високи цени. Голем број луѓе почнаа со купување заштитни маски на интернет и тоа по нереални цени. Цената на заштитна маска на интернет се зголеми од 1 евроцент на 10 евра, а литар дезинфекциско средство од 8 евра во минатата недела на 30 во вторникот. На Amazon е утврдено дека пакет од 10 заштитни маски се продава за 128 долари иако до неодамна таа цена беше 41,2 долари.
– Amazon нема да толерира нереално високи цени, нагласува во соопштение портпаролката на компанијата.
Таа се повика на политиката на компанијата дека информациите за производот мора да бидат точни и истакна дека Amazon може да отстрани понуди доколку се утврди дека ја нарушуваат довербата на клиентите.
Ова исто така важи и за цените „значително повисоки од она што се бараше за одредени производи во претходниот период, на или надвор од Amazon“, додаде таа.
