Покренатата онлајн петиција за Амбер Херд даде резултати, актерката ќе глуми помалку од 10 минути во вториот дел на Aquaman.
Одлуката е донесена од продуцентите по покренатата петиција таа да биде исфрлена од актерската екипа, објави филмската критичарка Грејс Рендолф. Петицијата беше потпишана од над 2 милиони луѓе. Целта беше да се откаже нејзиното појавување во „Aquaman and the Lost Kingdom“ и да се спречи глорифицирање на нејзиното малтретирање.
Актерката моментално најмногу влијание предизвика со судењето во кое нејзиниот поранешен сопруг Џони Деп ја тужи за клевета. Деп пред судот изјави дека бил шокиран кога слушнал за обидот за откажување на негово учество во снимањето на петтиот дел на „Pirates of the Caribbean“, откако Херд во објава за Washington Post навела дека е жртва на малтретирање, без воопшто да го спомене неговото име.
Како што тече судењето, се откриваат прилично бизарни моменти и детали од нивниот брак.
