Во текот на денешното рочиште на судењето за клевета актерката Амбер Херд сведочеше за првпат, а задржувајќи ги солзите зборуваше за наводната прва шлаканица што ја примила од поранешниот сопруг Џони Деп и порача дека тоа ѝ го „скршило срцето“.
Ова е прв пат Амбер Херд, поранешната сопруг на Џони Деп, да зборува во текот на судењето за клевета, а двете филмски ѕвезди поднесоа тужби една против друга.
Нејзиното сведочење следеше по исказ на форензички психолог кој рече дека Херд страда од посттрауматски синдром поради наводното малтретирање од Деп. Актерката тврди дека нејзиниот поранешен сопруг за првпат ѝ удрил шлаканица откако се насмеала на една од неговите тетоважи, мислејќи дека тој се шегува.
Изјави дека никогаш претходно не била така удрена, па јасно ѝ било дека по тој чин нема враќање назад, како да ѝ се „скршило срцето“. Херд исто така изјави дека судењето за клевета покренато против неа од Деп е „најболната и најтешката работа низ која минала во животот“.
Таа пред судот раскажа дека Деп почнал да исчезнува на некое време, потоа ја критикувал нејзината облека и тоа што го носела на холивудските настани.
„Се трудам да пронајдам зборови со кои би опишала колку е ова болно. Ова е ужасно за мене. Седам овде со недели и проживувам сè, слушајќи луѓе кои ги познавам – некои добро, а некои не, како зборуваат за нашите животи на начин на кој го зборуваат тоа“, изјави Херд.
Сведочењето го започна со приказната за нејзиното детство, преселбата во Лос Анџелес и запознавањето со Деп.