Најстариот италијански фудбалски клуб Џеноа, во чии редови настапува македонската фудбалска легенда Горан Пандев, премина во рацете на американскиот инвестициски фонд „777 Partners“ за сума 150 милиони евра.
Италијанските медиуми објавија денеска дека американската компанија и претседателот на Џеноа Енрико Прециози постигнале договор и многу скоро во врска со зделката ќе биде објавено официјално соопштение.
„777 Partners“ е приватна инвестициска компанија со седиште во Мајами. Основана е во 2005 година, а во нејзиното портфолио имаат и малцински удел во шпанскиот прволигаш Севиља.
Џеноа е формирана на 7 септември 1893 година во градот Џенова и е најстариот фудбалски клуб во Италија. За Џеноа од 2015 година настапува рекордерот според бројот на настапи во македонскиот дрес и најдобар стрелец на сите времиња Горан Пандев.
Името на клубот е во чест на градот, но е на локалниот лигурски дијалект и затоа е Џеноа - без В, додека градот на литературен италијански јазик е Џенова - со В.
