Најмалку десет лица се потешко и полесно поведени во Бостон, во американската сојузна држава Масачусетс, кога автомобил во полна брзина удрил во пешаци, соопшти локалната полиција.
Инцидентот се случил кај аеродромот „Логан“ во Бостон и ја разбранува јавноста бидејќи се случи непосредно пред денешниот празник, Денот на независноста на САД, 4 јули.
Засега нема индиции кои навестуваат дека станува збор за намерен напад или за терористички чин.
Според весникот „Бостон Глоуб“ полицијата верува дека станува збор за инцидент предизвикан од невнимателноста на возачот и од негова грешка.
Возачот, чиј идентитет не беше објавен, бил уапсен. Медиумите откриваат дека станува збор за 56-годишен маж од градот Кембриџ, во Масачусетс.