Американскиот спринтер Фред Керли славеше на трката на 100 метри на Светското првенство во атлетика.
Керли го освои златниот медал на натпреварот во Јуџин со време од 9,86 секунди и ја однесе титулата најбрз човек во светот.
Дваесет и седумгодишниот Американец минатата година се откажа од трката на 400 метри и целосно се посвети на најбрзата атлетска дисциплина, а тоа се исплатеше со првото индивидуално светско злато во кариерата.
Второто и третото место го освоија неговите сонародници Марвин Брејси и Трејвон Бромел и двајцата ја минаа целта две стотинки зад победникот.
Ова е првпат сите три медали да одат во САД од 1991 година кога Карл Луис, Лерој Бурел и Денис Мичел освоија злато, сребро и бронза на шампионатот што се одржа во Токио.