Македонскиот кошаркарски прволигаш Работнички ги засили своите редови за новата сезона со американскиот 27-годишен плејмејкер Ерик Нотиџ.
Новото засилување во редовите на скопскиот клуб доаѓа од швајцарски Лајонс де Жевев каде во просек постигнуваше по 10,9 поени по натпревар, додавајќи 6,1 скокови и 4,6 асистенции.
Претходно во кариерата американскиот кошаркар настапуваше за романскиот прволигаш Динамо, а претходно за францускиот Антиб, швајцарски Спинели, словачки Спишски Ритиери и грузиски Цкум-Апхазети. До 2017 година настапуваше во НЦАА лигата за колеџ тимот на Флорида Голден Пантерс.
