Трката на 400 метри со пречки во Токио понуди многу возбудувања и беше една од најдобрите во историјата на Олимпијадата.
Американецот Раи Бенџамин не можеше да поверува дека остана без златен медал, иако истрча со време побрзо од светскиот рекорд.
Славеше норвешкиот атлетичар Карстен Ворхолм, кој постави нов светски рекорд на спектакуларен начин, со време од 45,96 секунди.
Ворхолм го држеше светскиот рекорд и пред Олимпијадата, но во Токио го постигна она што многумина го сметаа за невозможно - тој ја истрча делницата за помалку од 46 секунди.
Бенџамин, кој исто така трчаше феноменално, и ја мина целта со време од 46,17 минути, што исто така ќе биде нов светски рекорд, призна дека не може да поверува дека сепак останал без злато.
„Да ми кажевте пред Олимпијадата дека ќе истрчам 46,17 и ќе загубам, веројатно ќе ве истепав. Видов на семафорот 45,94 и се прашував што се случува. Ги видов моите 46,17 и мислев дека нема шанси да сум истрчал 46,17 и да загубам“, рече Американец и додаде:
„Ова беше веројатно најдобрата трка во историјата на Олимписките игри. Дури и Болт со светскиот рекорд не е подобар од ова“, рече 24-годишниот Бенџамин.
Третото место и бронзата му припаднаа на Бразилецот Алисон дос Сантос, кој истрча многу блиску до стариот светски рекорд (46,72).
