„Здраво, јас сум Ана, една од девојките којашто беше објавена во „Јавна соба“, чија што слика беше симната од Instagram и на која беа објавени лични податоци“, вака младата девојка од Кавадарци ја започна храбрата изјава на Instagram, што предизвика внимание кај медиумите и јавноста.
Ана објаснува дека нејзина фотографија, направена во текот на летен одмор, заедно со невкусен опис и нејзини лични информации, меѓу кои и телефонски број, биле оставени во злогласната група „Јавна Соба“ на Телеграм, со цел да ѝ се наштети.
Младата девојка вели дека фотографијата била објавена, злоупотребена и препраќана. Ана им се обраќа на сите девојки кои доживеале слично нешто, дека тоа не е нивни срам, виновни се оние кои го злоупотребуваат тоа. Таа советува да се биде внимателен со жртвите, да им се даде максимална поддршка и јавно да се проговори за вакви работи да не се случуваат повеќе.
Таа објаснува и за односот на полицијата со нејзиниот случај, вели дека им ги покажала пораките и со име и презиме ги посочила луѓето кои ѝ ѕвонеле, но откако дознале дека е полнолетна, од полицијата добила одговор дека законот ништо не може да направи бидејќи таа има 28 години. Законот ги штити само малолетниците, вели таа.
Токму затоа, посочува Ана, луѓето се осмелуваат да прават вакви работи бидејќи законот не ги штити жртвите.
Слушнете ја изјавата на Ана: