Тимот на Евертон остана без тренер откако Роналд Куман беше отпуштен поради лошите резултати месецов. Како кандидат за негова замена се смета Карло Анчелоти, кој има посебни услови во случај да ја преземе работата.
Карло Анчелоти остана без работа по отказот кој го заработи од Баерн Минхен, но интересот за италијанскиот стратег е секогаш присутен.
Евертон му пристапиле на Карло Анчелоти во обид да го вратат тренерот во Премиер лигата, и според англиските медиуми, тој побарал како помошник во тимот да биде назначен неговата долгогодишна „десна рака“, Пол Клемент.
Клемент во моментот е тренер на Свонси, тимот кој исто така игра во Премиер лигата.
Доколку сакаат да го доведат Анчелоти на клупата, „карамелите“ ќе мора да исплатат оштета во висина од неколку милиони на Свонси за велшкиот клуб да го раскине договорот со Пол Клемент.
Во наредните неколку дена ќе се знае кој е наследникот на Куман, кој ќе има тешка задача да го извади тимот на Евертон од зоната за испаѓање.
