Италијанскиот експерт Карло Анчелоти откри дека не е многу далеку од позицијата селектор на репрезентацијата на Италија, но се уште нема донесено одлука околу својата иднина.
„Се уште не знам што ќе работам. Убаво ми е, гледам натпревари од различни лиги, нема вистински тактички иновации, но фудбалот секогаш ме интересира“, изјави Анчелоти.
Новинарите ги интересираше и дали добил конкретни понуди за работа.
„Да кажеме дека ги нема. Се уште е рано за конечни одлуки. Не сум далеку од позицијата селектор на Италија, добро го познавам Костакурта, како и тој мене. Репрезентацијата мора да чеkа, се уште сум под договор, а тука се и други тренери кои и понатаму работат, односно не можат да потпишат договор со италијанскиот фудбалски сојуз“, изјави Анчелоти.
„Сојузот исто така си зема време, ќе ја процени работата на Ди Баџо. Разговарав со Костакурта, а евентуалната работа селектор, не ја гледам како свој последен чекор во кариерата. Не знам кога ќе се вратам, не зависи тоа само од мене“, вели Анчелоти.
Анчелоти има 58 години, а кон крајот на септември доби отказ во Баерн Минхен, поради серија на лоши резултати.
Претходно беше тренер на екипите на Реал Мадрид, ПСЖ, Челзи, Милан, Јуве и Парма.
