Карло Анчелоти во интервју за Times зборуваше за тоа како успева да помири и усогласи голем број ѕвезди од различни возрасти во Реал Мадрид, но со исти желби и амбиции - да бидат најдобри и клучни играчи.
„Оваа сезона ја освоивме Ла Лига и стигнавме до финалето на Лигата на шампионите затоа што нема его во тимот. Вини, без его. Белингем, без его. Родриго, без его. Истото со ветераните во соблекувалната. Модриќ , Крос, Карвахал, Начо. Не знам што ќе се случи во иднина, но засега нема љубомора меѓу играчите, но има понизност. Понизноста е важна, мора да го имате тоа.“
Модриќ (38), легендата на Реал, е главно резерва во тековната сезона, но со значаен придонес, како стартер, така и како доаѓа од клупата, во походот на Реал да ја освои Ла Лига и да стигне до финалето на Лигата на шампионите. Иако беше во стартниот тим само 23 натпревари, успеа да постигне 2 гола и да асистира на 8 од нив.
Тој има само 40 дена од договорот со Реал, а клубот уште не му понудил продолжување. Во исто време, клубови од Америка и Арабија го примамат со раскошни понуди. Модриќ одлучи каде сака да ја продолжи кариерата. Имено, и покрај тоа што на почетокот на следната сезона ќе наполни 39 години, пензија не му паѓа на памет. Тој го сака само Реал. Тој е толку посветен на клубот што прифаќа да биде резерва и се согласува на половина од сегашната плата, која изнесува 21,8 милиони евра бруто годишно. Тој е многу среќен во клубот и во Мадрид. Сега сè зависи од Реал.
Модриќ освои сè во Мадрид. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола. Тој е обожуван од соиграчите и навивачите, а последниве години поради напредната возраст ги продолжи договорите само на една сезона.
