Карло Анчелоти (65), еден од најтрофејните тренери во историјата, кој го предводи Реал Мадрид, повторно преговара со Бразилската фудбалска конфедерација за преземање на националниот тим.
Ова го објави бразилскиот медиумски гигант Globo, додавајќи: „Анчелоти побара да не се разговара за поконкретни работи во преговорите пред завршувањето на Светското клупско првенство, кое завршува во средината на јули“. Тоа го потврдува и шпански Relevo: „Бразил повторно стапил во контакт со Анчелоти. Евентуален трансфер би се случил по Светското клупско првенство“.
Анчелоти е долгогодишна желба на Бразил, уште од Светското првенство во 2022 година, кое главниот фаворит го заврши предвреме, губејќи од Хрватска на пенали во четвртфиналето. Оттогаш неуспешно се обидува да доведе селектор со големо име, а репрезентацијата цело ова време бележи слаби игри и резултати, што е видливо и во актуелните мундијалски квалификации. Бразилската федерација веќе преговараше со Анчелоти, но тој остана во Реал. Ова е негов втор ангажман во клубот и започна во летото 2021 година. Првиот траеше од 2013 до 2015 година. Тој освои сè со клубовите, но не раководеше со националниот тим.
Анчелоти со Реал Мадрид освои две шампионски титули и два шпански купа, како и три Лига на шампиони. Неговиот договор е до летото следната година. Анчелоти е најуспешниот тренер во историјата на Лигата на шампионите. Го има освоено рекордни пет пати, а е и рекордер по бројот на финалиња. Тој е единствениот тренер кој го предводел тимот во шест натпревари за трофејот во ЛП.
Покрај тоа, тој е единствениот тренер кој ги водеше клубовите до националните титули во сите пет лиги. Но, тој никогаш во кариерата не раководел со репрезентација. Бразил се надева дека ова, заедно со можноста да ја предводи култната репрезентација, е негова најголема мотивација за преземање на нивната репрезентација.
