And Just Like That: Очајнички обид да се биде релевантен по „Сексот и градот“

Да, знам дека е спиноф, знам дека е кеширање на носталгија, знам дека е супер што жени на +50 се централни ликови во популарна серија... но по која цена?

Секоја жена која знаела нешто во врска со сексот кога почна да се емитува оригиналната серија „Sex and The City“ (SATC) во далечната (да, далечната!) 1998 година, има погледнато барем една епизода од мега популарното и сега веќе легендарно ТВ остварување што се протегна и во два (според мене бескрајно непотребни) филмови.

Приказната во „Sex and the City“ се вртеше околу секс-колумнистката Кери Бредшо (Паркер) и нејзините пријателки Миранда Хобс (Никсон), Шарлот Јорк (Дејвис) и Саманта Џонс (Катрал), нивните врски и љубов кон модата во Њујорк. Серијата се емитуваше шест сезони, освои седум Еми награди и осум Златни глобуси. Се снимаше според истоимената книга на Кендис Бушнел и иако добиваше пофалби за рушење на секс табуата, сепак наиде и на критики поради недоволниот диверзитет и ноншалантното третирање на некои многу важни теми, како расната дискриминација и еднодимензионалното и стереотипно претставување на одредени групи граѓани.

На страна моите измешани емоции за SATC воопшто, навистина не им требаше „And Just Like That“. Но, да не одам прекутрупа. Во јануари беше најавено дека Кристин Дејвис, Сара Џесика Паркер и Синтија Никсон ќе се вратат во улогите на Шарлот, Кери и Миранда во обновената верзија на „Sex and the City“ на HBO Max. Долго време кружеа гласини дека се размислува за „оживување“ на популарната серија, а извршни продуценти на спиноф верзијата се Паркер, Дејвис, Никсон и Мајкл Патрик Кинг. Веднаш беше јасно дека нема да ја видиме Саманта (Ким Катрал), а појавувањата на ликовите на Ѕверка и Стив беше неизвесно.

Уште додека траеше оригиналната серија почнаа да ми се разбиваат илузиите за фамозниот „Секс и градот“, кога идејата за сексуална револуција (на индивидуално ниво) и прифаќање на фактот дека жените апсолутно не мора да се омажат до 30 (на општествено ниво) беше потисната од фамозните (понекогаш бесмислени и секогаш брендирани) модни изданија на ликовите и сѐ полошите животни, финансиски, емотивни и кариерни одлуки кои на крајот (секако!) беа наградени. Да не ја спомнувам еднодимензионалноста на ликовите што не отиде подлабоко од „The Sisterhood of the Traveling Pants“ и ги остави лишени од каква било друга длабочина, додавајќи им плиткост, како и решеноста на екипата да биде слепа на диверзитетот во светот што е можеби најдобро отсликан во една метропола во „земјата на слободните“ – Њујорк.

Верувајте, ова го пишувам со љубов кон сериите како медиум и уметничка форма и дефинивно пиетет кон она што (донекаде) беше SATC. Да, во 1999 беа вау, ама при крајот веќе не беа, а дефинитивно не припаѓаат во 2022. Од она што го видов во првите две епизоди, „девојките“ веќе немаат што да кажат (за ова целосно се согласувам со Ким Катрал) иако очајнички се обидуваат да бидат релевантни. Жалното е што жените во нивните 50-ти се исклучително релевантни и дефинивно имаат што да кажат, но не и овие ликови кои во „And Just Like That“ се доведени речиси до карикатури.

Да, знам дека е спиноф, знам дека е кеширање на носталгија, знам дека е супер што жени на +50 се централни ликови во популарна серија... но по која цена?

На целиов потфат гледам само како на обид да се цица на носталгијата на милиони жени кои (можеби) доживеаја свои сексуални будења благодарение на некои елементи на серијата, и трошење пари за актерската (и продуцентска) екипа да ја почувствува барем за миг возбудата на некогашната слава, пари со кои би се направиле добри серии. Се потрошиле грдни пари (по 1 милион од епизода одат само за хонорар за секоја од трите главни актерки) за да се искупат за немањето диверзитет и прогресивност во оригиналната серија (и тоа броејќи ја Саманта), за сега да имаат лоши обиди да бидат во тренд, кул, woke и слично, вештачки напикувајќи сцени и ликови кои едноставно не вдахнуваат живот покрај восочните фигури на Кери, Миранда и Шарлот - и тука не зборувам за нивниот физички изглед, туку за немањето изградени ликови во нивните 50-ти, па се „шлепаат“ на тиковите на Кери од SATC.

Знам и дека се само две епизоди, но (тука следи мал спојлер, па ако не сте гледале...) гледајќи како една (наводно) кариерно и лично изградена жена во нејзините 50-ти не знае што ќе биде со неа бидејќи останала без маж и неговиот погреб го стилизира небаре ќе го има во Vogue, I couldn’t help but wonder, дали навистина мислат дека уште имаат што да им кажат на жените во 2022 година? Тука можеби ја разбирам само Синтија Никсон, чиј лик Миранда можеби беше и најопиплив за „обичните“ жени, која и самата се обиде да вплови во политички води и е жесток активист, па мислам се „излажала“ дека овојпат ќе може навистина да направи промена и да отвори прашања што се вистински релевантни за жените (и луѓето воопшто) денес. Но, со оглед на тоа дека во првите две епизоди пак е комичната оддишка на групата и понатаму (претпоставувам) некој нејзин говор за женското омоќување ќе биде засенет од некој моден избор на Кери, девојки, фала ви за сѐ, ама не фала.

реклама

Како е поврзано пиењето кафе со ракот на дебело црево?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Се степале вработени во болница во Карпош

Read more

Со едноставен водоводџиски трик ослободете се од смрдеата од одводот

Read more

Рецензии

КАЈГАНА рецензија: Зошто (не) треба да го гледате Leave the World Behind на Netflix?

Read more

КАЈГАНА ПРЕПОРАКА: Зошто треба да го гледате Barbie?

Read more

And Just Like That: Очајнички обид да се биде релевантен по „Сексот и градот“

Read more

Кон „ТМ“ на Димитријевиќ и Иванов: Подржи ми го егзистенцијалниот немир

Read more
 

Сцена

Шестиот дел од култниот Pirates of the Caribbean ќе се снима без Џони Деп

Читај повеќе
  • play_arrow

Прв тизер за серијата The Penguin – Колин Фарел каков што не сме го виделе досега

Читај повеќе
  • play_arrow

Најконтроверзниот реквизит од филмот Titanic продаден на аукција за неверојатна цена

Читај повеќе
  • play_arrow

Папараците ја снимија Шакира со британскиот актер кој е ѕвезда на нејзиниот нов спот

Читај повеќе
  • play_arrow

Лошите момчиња се вратија: Прв трејлер за Bad Boys 4

Читај повеќе

Ен Хатавеј смета дека освојувањето Оскар негативно ѝ влијаело на кариерата

Читај повеќе

Погребот на Мирко Попов ќе биде денеска на Градските гробишта „Бутел“ во Скопје

Читај повеќе
  • play_arrow

Топ 10 најпиратирани филмови на неделата

Читај повеќе

Почина Мирко Попов

Читај повеќе