Андоновски од ЛГБТ: Никој не е слободен додека сите не се ослободат

Скопје, 29 јуни 2019 (МИА) – Веруваме во општество кое е еднакво, кое дава шанса за секој еден, ЛГБТИ заеднициата постои и таа е тука помеѓу нас и сите ние заедно ако не си го признаеме тоа и ако не си го покажеме вака видливо, губиме  голем потенцијал во државата, а тоа нема да го дозволиме. Ќе се бориме се до моментот додека секој од нас неможе слободно да љуби и тоа јавно да го покаже, порача денеска министерката за труд и социјална политика Мила Царовска во нејзиното обраќање на првата Парада на гордоста за поддршка на припадниците на ЛГБТИ заедницата и за еднакви права на сите луѓе.

„Сите ние денеска покажавме дека сме видливи и дека во нашата држава можеме сите оние кои со години беа невидливи и дискриминирани, денеска заеднички да ги поддржиме и да си ветиме дека никогаш нема да се повтори насилство во нашата држава“, истакна Царовска.

В.Д. амбасадорката на САД во нашата земја, Микаела Швајцер-Блум рече дека голема делегација од американската амбасада учествува на Парадатат и дека со тоа ја слават 50. годишнина од немирите од Стоунвол што покренаа едно глобално движење.

„Оваа година Скопје се приклучува на повеќе од 70 земји во славење на ЛГБТ гордоста. САД се многу горди што се дел од овој настан. Во Северна Македонија има голем напредок во признавање на ЛГБТ заедницата, но се уште има многу работа. Луѓето треба да се потсетат дека дискриминацијата никому не помага и ние сме тука како претставници од амбасадата и владата на САД со цел да се направи уште поголем напредок по овие прашања во Северна Македонија“, потенцира Швајцер-Блум.

На Парадата се обрати и пратеничката Маја Морачанин од Интерпартиската парламентарна група за правата на ЛГБТИ-лицата  која порача дека нашето општество се движи во позитивна насока во духот на европските вредности на почитување на човековите права и слободи, на солидарност на еднакви можности за сите и толеранција на различностите.

Кочо Андоновски од организацискиот одбор од ЛГБТ, рече дека овој настан денеска е резултат на претходните години кога, како што рече, транс луѓето беа жртви на најгрозоморни напади, кога им се загрозува правото на здравје, на живот и образование.

„Ние сме тука затоа што тој говор на омраза не е адресиран, нуту е казнет и се уште не е разрешено насилството врз ЛГБТ центарот. Денес сме тука затоа што Министерството за труд и социјална политика  првпат ги покрива скоро половина од трошоците за ЛГБТ, тоа е засолниште за најранливите во нашата заедница. Денес сме тука затоа што Град Скопје препозна  дека на нашата заедница и треба безбеден простор да го развива своето изразуцвање. Денес сме тука заради сите вас, заради вашата одважност што дојдовте тука“, истакна Андоновски и порача дека „никој не е слободен додека сите не се ослободат“.

Новинарот Борјан Јовановски рече дека очекува парадата да помине во најдобар ред како што му доликува на цивилизирано општество. Смета дека треба да се подобрат некои работи и една голема задница која живее во држвава да биде помалку дикриминирана.

„Ова што овие луѓе од ЛГБТ заедницата се охрабрија да излезат масовно, треба да се искористи и на тоа да се надоврзат сите други малцински групи кои се чуствуваат дискриминирани.  Општество кое претендира да биде демократско и цивилизирано, не смее да дозволи ниту една малцинска група ниту било кој индивидуалец, да се чувствува дискриминирано“, додаде Јовановски.

На парадата присуствуваа голем број поддржувачи од земјава и странство и јавни личности. Парадата се одржа под засилено полициско обезбедување, а интерес за настанот имаше не само од домашните, туку и од странски медиуми.

Маршот на поддржувачите на ЛГБТИ запшочна од пред Порта Македонија и заврши по Градскиот парк кај „Школка“.

Паралелно, со Парадата на гордоста, во Скопје се одржа и граѓанско-верски собир „Сведоштво за семејството“ кој е насочен кон заштита на брачните, семејните и верските вредности.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Македонија

В недела посебен сообраќаен режим во Скопје поради атлетска трка

Read more

Донесено упатство за радиодифузерите за претседателските и парламентарните избори

Read more

Три лица искасани од кучиња скитници во Скопје

Read more

Петровска: Судот донесе одлука дека Ковачки неправедно ме клеветел

Read more
 

Вести

В недела посебен сообраќаен режим во Скопје поради атлетска трка

Читај повеќе

Инспектори затекнале диви менувачници на Бит-пазар, но наместо да ги запечатат, им дозволиле да работат

Читај повеќе

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе