Германската канцеларка Ангела Меркел рече дека Германија и Европа веќе не може да се потпрат на САД под водство на Трамп, откако претседателот на најсилната економија во светот одби да го поддржи Парискиот договор од 2015 година за намалување на испуштањето штетни издувни гасови.
„Времето кога можевме целосно да се потпреме на другите е речиси завршено, како што воочив во изминативе неколку дена“, рече Меркел.
„Затоа имам да кажам само едно: Ние, како Европејци мора да ја земеме нашата судбина во свои раце, секако во пријателство со САД и со Велика Британија, со добри меѓусоседски односи кога тоа е возможно, исто така и со Русија и со други земји, но мора да снаеме дека ќе се бориме за нашата иднина и нашата судбина сами како Европејци.“
Коментарите на Меркел следеа непосредно откако Доналд Трамп одби да даде конечна одлука за законски обврзувачкиот меѓународен договор за климатски промени што делумно го издејствува неговиот претходник Барак Обама во 2015 година. Оттогаш договорот го потпишаа 195 земји.
„Целата дискусија за климатските промени беше многу тешка, дури и многу незадоволителна“, рече Меркел. „Нема никакви индикации дали САД ќе останат зад Парискиот договор или не.“
Трамп претходно за глобалното затоплување рече дека е „кинеска измама“ и неговата администрација систематски преиначи многу политики што беа воведени во времето на Обама насочени кон зауздување на климатските промени.
Лидерите на Г7 објавија груба изјава по самитот во која се вели дека „САД се во процес на разгледување на својот став кон климатските помени и Парискиот договор и затоа не се во позиција да се приклучат кон консензусот по ова прашање.
Некои медиуми наведуваат бројни извори кои велат дека Трамп сака САД да се повлечат од Парискиот договор, а други извори тврдат дека има планирани средби на главни извршни директори на енергетски компании и големи корпорации на оваа тема.
