Свет

Ангела Меркел повторно неконтролирано се тресеше на јавен настан

27. јуни 2019 - 13:19 | А.С.

Загриженоста за здравствената состојба на германската канцеларка Ангела Меркел е сѐ поголема откако денеска повторно беше снимена како неконтролирано се тресе.

Меркел во почетокот на месецов во Берлин присуствуваше на дочекот на украинскиот претседател Володомир Зеленски, кога почна неконтролирано да се тресе, но по интонирањето на химната се смири и настанот продолжи согласно протоколот.

Меѓутоа, проблемот се повтори утрово за време на именувањето на новиот федерален министер за правда и заштита на потрошувачите, Кристине Ламбрехт.

Меркел (64) си ги префати рацете за да се смири и по две минути изгледаше поспокојно, па се поздрави со новата министерка Ламбрехт.

Ѝ понудија чаша вода, но ја одби. Претходно Меркел рече дека тресењето се случило бидејќи била дехидрирана.

Нејзиниот портпарол рече дека Меркел после пладне ќе замине со авион за Јапонија, како што веќе било планирано.

„Канцеларката е во ред“, рече Штефен Зиберт.

Коментирај