За селекторот една од причините за синоќешниот пораз од Полска и е тоа што недостасуваа неколкумина играчли, особено Адеми во средината.
„Немам забелешки кон моите фудбалери во однос на борбеноста и залагањето. И сега, по завршувањето на натпреварот, доколку би бирал повторно би ги одбрал истите бидејќи тие беа опциите. Доколку ги имав сите фудбалери на располагање можеби ќе беше поинаку“, рече селекторот по натпреварот.
Шансите на Македонија за пласман на ЕУРО 2020 остануваат преку Лигата на нации каде имаме обезбедено бараж.
„Останува во преостанатите два натпревара да собереме што е можно повеќе бодови. Тие натпревари треба и да ги искористиме како подготовка за против Косово или кој и да е противникот во баражот“, заврши Ангеловски. Во ноември играме на гости со Австрија и дома со Израел.
Кон крајот на март ќе играме на домашен терен против Косово, или можеби Белорусија доколку Косово избори директен пласман, а сѐ уште е во игра.
