Англиските Ирци ѝ пресудија на Ирска, за која одбија да играат

Англија со победа над Ирска во Даблин ги започна натпреварите во Лига Б од Лигата на нации. Победата на Англија ѝ ја донесоа Ирците, кои решија во сениорска конкуренцијата да го носат дресот на „Трите лава“.

Деклан Рајс и Џек Грилиш на „Авива“ стадионот во Даблин беа пречекани со транспарент кој ги споредува со змии, гласејќи „Змиите се вратија“. Двајцата постигнаа по еден гол, Рајс не го прослави за разлика од Грилиш.

Рајс, пред да дебитира за Англија во 2019 година, одигра 3 натпревари за Ирска. Претходно играше за сите младинските репрезентации на Ирска, од У17 до У21, Сега постигна гол на стадионот на кој во 2018 година играше во дресот на Ирска против САД. Неговиот татко е Ирец.

Грилиш играше за младинските селекции на Ирска, од У17 до У21. Неговиот татко е Ирец, а дури и неговата мајка е половина Ирка. Порано место фудбал тренирал ирски фудбал (Gaelic football), но и тој реши да го прифати повикот од Англија.

А, пак, в.д. селекторот на Англија, кој синоќа ја водеше репрезентацијата, е поранешниот ирски репрезенттаивец Ли Карсли. Од 1997 до 2008 година Карсли настапи на 40 натпревари за Ирска, а беше дел и од тимот кој настапи на Мундијалот 2002, последниот на кој Ирска се има квалификувано.

Рајс во 11-тата минута го отвори резултатот, а вотоа во 26. минута му асистираше на Грилиш кој зголеми на 2:0, што подоцна се покажа како конечен резултат.