Шест години по „Wreck-It Ralph“, Disney продолжението „Ralph Breaks the Internet“ го освои бокс-офисот во САД и Канада. Филмот заработи 84.5 милиони долари во текот на долгиот празничен викенд за Денот на благодарноста (од среда до недела).
Ова е второ одлично премиерно празнично прикажување, претходно анимираниот „Frozen“ се најде на врвот со 63.5 милиони долари во прикажувањето од 5 дена.
На второто место е „Creed 2“, со вкупна заработка од 55.8 милиони долари. Премиерата на „Robin Hood“ помина катастрофално, со заработка од 9.1 милиони долари или вкупна заработка од 14.2 милиони долари.
На третото место се најде „The Grinch“ со заработка од 30.3 милиони долари од третиот викенд на прикажување. На четвртото место е „Fantastic Beasts: The Crimes od Grindelwald“ со заработка од 29.6 милиони долари. На петтото место е „Bohemian Rhapsody“, со 13.8 милиони долари.
