Преминувајќи од прв храм на хиндуистичката религија до будистичко светилиште, Анкор Ват станал една од најпосетуваните верски градби во светот и воедно највеличествен храм ширум планетава.
Анкор Ват (អង្គរវត្) е првиот храм на хиндуистичката религија, кој подоцна бил претворен во будистички храм. Сместен е во Камбоџа, а го изградил кмерскиот крал Сурјаварман II на почетокот на XII век во Јасодарапура, градот на величественото Кмерско Царство. Тој е еден од најголемите религиозни објекти и едно од најпосетуваните верски места во светот.
1. Скоро 50% од туристите кои ја посетуваат Камбоџа доаѓаат само за да го видат големиот комплекс на храмови во Анкор. Фактот дека симболот на Анкор Ват е и на нивното национално знаме покажува колку Камбоџанците се горди со своето наследство.
2. Анкор Ват е најдобриот претставник на класичниот стил на кмерската архитектура.
3. Храмот е изграден за да ја симболизира светата планина Меру, која е центар на хиндуистичката митологија, но и на будистичката.
4. За разлика од другите храмови во регионот кои се свртени кон исток, овој храм е свртен кон запад. Свртен е кон зајдисонцето и вечерните сончеви зраци, што дополнително го разубавуваат навечер.
5. Сѐ до XVI век храмот не бил познат по сегашното име, туку бил наречен Писнулок, што е официјално име на кмерскиот крал Сурјаварман II, кој го изградил.
6. Со цел да се препознае важната улога што овој храм ја имал во хиндуизмот и будизмот, Анкор Ват од 1992 година се наоѓа на списокот на светско наследство на УНЕСКО.
7. Иако повеќето туристи се запознати со комплексот храмови Анкор Ват, градот ги вклучува и храмовите Анкор Том и Бајон, кои исто така се интригантни.
8. За разлика од неговите претходници кои припаѓале на редовите на кралевите кои практикувале шиизам и ѝ се молеле на Шива, Сурјаварман II направил пресврт градејќи го овој храм посветен на богот Вишну.
9. Декорациите на ѕидовите на храмот содржат карактеристики на уникатни хиндуистички приказни. На ѕидовите се насликани митови и бајки, кои зборуваат за потеклото на храмот и хинду религијата.
