Хакерската група Anonymous објави видео во кое ги предупредува луѓето да се подготват за Трета светска војна.
Во видеото објавено на You Tube се тврди дека Трета светска војна ќе избие следната година и тоа поради тензиите на Корејскиот полуостров.
Групата порачува дека сите знаци на војната која се подготвува на Корејскиот полуостров излегле на виделина.
Тие ги цитираат извештаите во кои Кина им говори на своите граѓани да ја напуштат Северна Кореја, за неодамнешните тестирања на балистички ракети на САД, како и испраќањето на војска на САД во Австралија.
