Убиството на Афроамериканецот Џорџ Флојд ја поттикна хакерската група Anonymous повторно да се активира ветувајќи дека ќе открие бројни злосторства извршени од полицијата во Минеаполис.
Групата, која е позната по таргетирање и сајбер напади, се смири во последните години, но по последните настани во САД и масовните протести, одлучи да „излезе од сенка“.
Во врска со протестите кои се одговор на убиството на Џорџ Флојд, Anonymous извршија разни форми на сајбер напади, а еден од нив најверојатно е нападот на сајтот на полицијата на Минеаполис, кој беше соборен во текот на викендот.
Групата Anonymous е позната по тоа што нема лидер и во неа членуваат голем број на лица кои имаат различни приоритети, но заеднички цели им се оние за кои сметаат дека ја злоупотребуваат својата моќ и ги напаѓаат со уривање на нивните сајтови или им го исклучуваат интернетот.
Тие носат карактеристични маски со ликот на Гај Фокс, кој стана познат после романот на Ален Мур „V for Vendetta“, во кој револуционерот анархист става маска за да ја собори корумпираната влада. Истоимениот филм излезе во 2005 година со Хјуго Вивинг и Натали Портман во главните улоги.