Електронската книга „Антологија на млади поети од Северна Македонија“ е објавена во Грција.
Книгата која е дел од популарната серија „Антологии на млади поети“, содржи песни од 13 поети од современата македонска поетска сцена, од кои некои прв пат се јавуваат токму во неа.
Изданието е билингвално, стои во описот на антологијата на англиски јазик. Составувачот м-р Ѓоко Здравески е антологичар на изданието, а поезијата од младите поети од Северна Македонија беше препеана од Елени Кациоли.
Проектот „Млади поети“ е на издавачот од Атина vakxikon.gr. Онлајн изданието може да се погледне со клик тука, а печатеното во Грција е достапно за 2,99 евра.
