Денеска беше направена жрепката за првиот Грен слем турнир годинава, Австралија опен, а двете најголеми ѕвезди Новак Ѓоковиќ и Рафаел Надал добија сосема поинаква судбина.
Додека за Ѓоковиќ, кој по паузата поради минатогодишниот спортско-дипломатски скандал се враќа на Австралија опен, може да се каже дека добро мина во ждрепката, Рафа Надал го чека вистински пекол.
Во првото коло Ѓоковиќ ќе игра против Роберто Карбаљес Баена, а потоа ќе следи Уго Делиен или квалификант. Од потешките имиња, би можел да се сретне со Ник Кирјос и Александер Зверев само во полуфиналето, или можеби со Григор Димитров во третото коло.
Сепак, сите овие се играчи кои имаат тенденција да испаѓаат од аутсајдери кога немаат свој ден. Од друга страна, во својата половина од жрепката Ѓоковиќ избегна играчи како Даниил Медведев, Стефанос Циципас, Денис Шаповалов, Јаник Синер, Феликс Оже-Алјасим...
Сите тие играчи се во делот од жрепката на Надал. Дури и Шпанецот ќе има тешка работа во првото коло, бидејќи ривал ќе му биде Британецот Џек Дрејпер, кој во последно време игра во одлична форма.
Проектираното четвртфинале на Надал му носи дуел против Медведев, а потоа и полуфинале против Циципас. Ќе треба многу труд и борба за Шпанецот да стигне до уште едно финале во Австралија.