Апасиев: Ништо не е готово! Имаме План Б

Собранието со 68 гласа „за“ ги усвои предлог заклочоците поднесени од СДСМ и ДУИ по расправата за Информацијата за содржината на Предлог-преговарачката рамка за пристапните преговори со Европската Унија, предложена од страна на француското Претседателство со Советот на ЕУ.

Со усвоените предлог заклучоци ѝ се даваат насоки на Владата за што може да преговара со Европската Унија.

На гласањето не присуствуваа пратениците од ВМРО-ДПМНЕ и Левица, а денешната сендица ја следеше и евроамбасадот Дејвид Гир.

Лидерот на Левица, Димитар Апасиев, се огласи на Facebook, каде објави краток статус:

„Ништо не е готово! Имаме План Б.

#ПредавнициФашистиКлетиВрховисти“.

Претседателот на ВМРО-ДПМНЕ, Христијан Мицкоски, исто така порача дека ова не е крај.

„Ништо не е готово, заедно ќе победиме, пратениците се обврзуваат со нотарски изјави дека нема да поминат уставни измени, и борба за промена на преговарачката рамка.

ДОЛУ ЗА ПРЕДАВНИЦИТЕ! ДА Е ЖИВА МАКЕДОНИЈА!“