Професорот по римско право и пратеник од редовите на Левица, Димитар Апасиев, на интересен начин го прокоментира она што кај нас се вели дека градоначалниците работат само пред избори.
„Му честитам на Перо Камизака што се нафати да ја бие оваа битка, бидејќи како професор по римско право, Римјаните велеле: 'Оној кој го мразат боговите му даваат да се кандидира за градски претор', сакајќи да кажат колку е тоа тешка работа. Римјаните имале избори секоја година, оти како што гледате, само пред избори се работи. Бидејќи биле прагматичен народ тие секоја година ставале да имаат избори бидејќи само тогаш и градските претори работеле“, рече Апасиев на вчерашниот митинг на неговата партија во Градскиот парк во Скопје.