Лидерот на Левица, Димитар Апасиев, ги коментираше синоќешните протести на кои МВР пријави 47 повредени полицајци. Тој тврди дека ниту еден од членовите на неговата партија не носел качулка.
Смета дека маскираните демонстранти биле уфрлени од Агенцијата за национална безбедност.
На Facebook, Апасиев му се обрати на министерот Оливер Спасовски со следното тврдење:
„Драг Оливер,
Синоќа не ви влеговме во стапицата на тајната полиција. 50-темина уфрлени провокатори со качулки од АНБ, кои застанаа пред транспарентот на Левица, беа навреме "прочитани" и левичарите се дистанцираа од нив со санитарен кордон!
Имаме километража со протести. Не ви паѓаме на тие ефтини финти, за после да имате основ да го поапсите цело раководство на Партијата (како што ве учат петте агенти на ЦИА за местенки, кои дошле пред два дена во Македонија).
МАКЕДОНИЈА е долга и широка работа бе, предавници! За неа сме спремни и да изгинеме, ама не сме до толку глупи да наседнеме на вашите проѕирни местенки.
Се гледаме секоја вечер - сè побројни и сè посплотени! До конечниот пад на оваа корумпирана окупациона Влада.
p.s. Тргнавте против народот со палици, специјалци и кучиња!? Ќе завршите бетер од Гоца. Никој не победил народ со пендрек.
Се гледаме на барикадите!
До вашиот конечен крај!“, објави Апасиев.