Официјално е потврдено дека апдејтот Euro 2020 за популарната фудбалска симулација Pro Evolution Soccer (PES) ќе стигне на 4 јуни.
Откако бројни спортски настани беа одложени поради пандемијата со коронавирус, фановите се свртеа кон е-спортот, кој сепак не беше поштеден од негативното влијание.
Konami вети дека на 30 април ќе понуди бесплатен Euro 2020 апдејт за eFootball PES 2020, но тоа беше одложено по соопштението дека Европското фудбалско првенство ќе биде одложено за догодина. Меѓутоа, сега од Konami стигна нова информација – има промени во апдејтот и ќе биде достапен на 4 јуни за PlayStation 4, Xbox One и PC.
Апдејтите и понатаму ќе имаат 55 репрезентации и детално ќе бидат изработени стадионите Вембли и Санкт Петербург. Официјалната топка за финалето на Еуро исто така ќе биде достапна од 4 јуни.