Апликацијата Woman Interrupted ги анализира разговорите и следи колку пати жените биле прекинати среде збор од маж.
Бразилската рекламна агенција BETC ја создаде апликацијата и ја лансира непосредно пред меѓународниот Ден на жената.
Креаторот на апликацијата вели дека Woman Interrupted делумно била инспирирана од првата претседателска дебата пред изборите во САД кога Доналд Трамп постојано ја прекинувал среде збор ривалката Хилари Клинтон.
Апликацијата што е достапна за iOS и за Android корисници го користи микрофонот на смартфонот за да ги следи разговорите и да одреди колку пати жената била прекината среде збор во еден разговор.
Користејќи ја фрекфенцијата на гласовите како водич, апликацијата следи колку пати машкиот глас се преклопува со женскиот и на тој начин го одредува бројот на прекини.
Според BETC крајната цел на апликацијата е да ја крене свеста и да отвори дебата на темата колку често мажите ги прекинуваат жените, особено на работно место.