Андреј Јермак, шефот на кабинетот на претседателот на Украина, Володимир Зеленски, на својот Twitter профил објави видео од Бахмут, на кое се гледа степенот на уништување во градот кој со месеци е под руски напад.
Видеото покажува уништени згради и улици преполни со проектили, а повеќе личи на постапокалиптичен филм отколку на град во кој живееле повеќе од 70.000 луѓе.
Русија од летото 2022 година се обидува да го освои украинскиот град Бахмут во регионот на Донецк, а нападите особено се интензивираа оваа година. Руските трупи контролираат околу 65% од градот, но украинската армија продолжува да дава жесток отпор.
