Хулиганите повторно го засенија фудбалот и приредија сцени како од филм низ неаполските улици.
Натпреварот помеѓу калчолигашот Наполи и бундеслигашот Ајнтрахт требаше да биде фудбалски празник во Кампанија, но наместо тоа во преден план изби хаосот што го направија хулиганите.
Навивачите на Ајнтрахт прво се судрија со полицијата, а потоа на улица излегоа и домашните навивачи кои ги нападнаа Германците. Откако ситуацијата се смири на градските улици населението имаше можност да види апокалиптични сцени.
Тепачката на навивачите зад себе го остави центарот на Неапол уништен, голем број искршени излози од продавници и кафулиња на познатиот плоштад Пјаца дел Џезу, но и запален полициски автомобил.
Сето ова предизвика шок кај локалното население кое во неверување гледало како неколку стотици Германци, како старите Вандали, го уништуваат градот.
Инаку, Вандалите, по кои доаѓа и зборот вандал, биле германски народ кој преку тешко уништување во V создал свое кралство во Шпанија, неколку острови во Медитеранот и Северна Африка.
