Пред само неколку дена Apple пријави дека очекува пад на профитот од 9 милијарди долари, што се должи на опаѓачката побарувачка на моделите на iPhone. Од компанијата велат дека причината за падот се корисниците кои ги заменуваат батериите на нивните смартфони.
Минатата година, Apple призна дека ги модификува постарите iPhone модели да компензираат за старите батерии во нив, што предизвика некои од телефоните целосно да се гасат. Бидејќи ја признаа вината, тие обезбедија замена на батериите за само 29 долари наместо по редовната цена од 79 долари.
Порано, кога перформансот на телефонот им ослабнуваше, корисниците на iPhone го заменуваа нивниот телефон со понов модел. А сега, по признанието на Apple тие купуваат нова батерија и така го решаваат проблемот со послабата работа на телефонот. Поради тоа, новите модели на iPhone кои се продаваат по цени над 1.000 долари, почесто остануваат на полиците во продавниците од причина што корисниците најдоа поевтина замена.
Уште повеќе влијаеше објаснувањето од страна на Apple, кои им појаснија на корисниците на iPhone каде се наоѓа опцијата која го прави нивниот телефон побавен и помалку функционален, па сега тие самите можат да ја исклучат таа опција. Во текот на 2018 година, голем дел од „негативните“ квалитети на iPhone моделите беа исфрлени, што значи дека телефонот доби подолг животен рок.
Денешниот извештај на Apple е значаен и поради тоа што е прв извештај по 1 ноември 2018 година – датумот кога компанијата објави дека нема повеќе да објавува конкретни бројки за продажба на нивните уреди. Како што забележавте, ниту во новиот извештај не се споменува ниту една бројка.