Уредите на Apple веќе нема да користат лозинки од следниот месец.
Порталот Unilad објави дека, наместо да користат лозинка, корисниците ќе користат passkey, дигитален клуч кој никој нема да мора да го памти, а кој ќе биде комбиниран со отпечаток од прст или препознавање лице.
Новиот безбедносен процес значи дека корисниците на уредите на Apple нема да имаат лозинки кои можат да се погодат или да станат достапни поради дупка во безбедносниот систем и ќе можат да се логираат подеднакво брзо како порано.
Passkey ќе се складира на уредите, но со Apple iCloud Keychain ќе се синхронизира низ уредите. Тие нема да бидат видливи за никого, дури ни за Apple, што значи дека ќе се намали ризикот од протекување на податоци. Дополнително, според Unilad, Apple во иднина би можел да воведе passkey систем што би можел да се користи на уреди со други оперативни системи, како што се лаптопи со Windows или Android уреди.
Оваа вест доаѓа нешто повеќе од еден месец откако Apple го претстави iOS 16, следната голема верзија на софтверот за iPhone, а веќе некое време се шпекулира за лансирањето на новиот телефон iPhone 14, кој би можел да се најде во продажба оваа есен.
Што мислите за оваа нова технологија? Дали е време засекогаш да се збогуваме од лозинките?
