По цели три години, Apple претстави нова, подновена верзија на MacBook Air. Новото издание на ултратенкиот лаптоп ќе има неколку технички подобрувања, но највпечатливо е дека тој заедно со Mac mini ќе бидат произедени од 100% рециклиран алуминиум.
Новиот MacBook Air е достоен наследник на моделот од 2015 година, но доаѓа по прилично висока цена од 1.199 долари за основниот модел.
Оваа нова верзија пристигнува со Retina дисплеј, 50% потенки рабови, идентичен дизајн како добро познатиот MacBook и неколку технички надградби. Има 13,3-инчен екран кој се протега до самиот крај на маската, два USB-C портови и тежи само 1,2 килограми, што е полесно дури и од претходниот MacBook Air, кој тежеше 1,5 килограми.
Новиот MacBook Air има и Touch ID за посигурно логирање и е опремен со истиот T2 чип кој го поседуваа и минатогодишните MacBook Pro и iMac Pro модели. Сепак, нема Touch Bar, што можеби е и добра работа бидејќи повеќето од корисниците реагираа дека Touch Bar-от на MacBook Pro е комплетно непотребен.
Уредот поседува осма генерација на процесор Gen Intel dual-core со интегрирана графичка картичка, максимум 16GB RAM и 1,5TB внатрешна меморија. Основниот модел со 8GB RAM, 1,6 GHz Core 15 и 128GB внатрешна меморија е произведен од 100% рециклиран алуминиум и е достапен во продажба уште денеска по цена од 1,199 американски долари.