Apple постојано работи на својата линија iPhone, па компанијата веќе размислува за серијата iPhone 15, која се очекува во септември 2023 година.
Според аналитичарот на Apple, Минг-Чи Куо, една од промените што ќе бидат имплементирани во iPhone 15 се однесува на дизајнот на копчињата за јачина на звук и вклучување на уредот.
Компанијата од Купертино, наводно, планира да ги исгрли физичките копчиња што моментално ги користи iPhone и да користи дизајн сличен на старт копчето на iPhone 7.
Како резултат на оваа промена, се очекува компанијата да користи нов Taptic Engine, кој е дизајниран да направи притискањето на овие копчиња да дава исто такво природно чувство како притискањето физички копчиња.
Технологијата Taptic Engine ќе биде поставена на левата и десната страна на рамката, со цел да се формира тактилен одговор кој кај корисникот ќе создаде чувство како да притиска физичко копче.
Покрај ова, аналитичарот верува дека Apple повторно ќе биде трендсетер во светот на телефоните и дека производителите на Android уреди најверојатно масовно ќе копираат слични дизајни на копчиња за нивните телефони.
