Шансите дека технолошкиот гигант Apple ќе го купи Netflix само што се зголемија за 40%. Според извештајот од аналитичарите на Citi, тоа се должи на намалувањето на корпоративниот данок што го воведе претседателот на САД, Доналд Трамп.
Според Business Insider, новите измени во законот за корпоративен данок ја олеснуваат процедурата со која Apple би можела да ја купи компанијата Netflix.
Извештајот вели дека Apple има богатство од околу 252 милијарди долари кои се складирани на сметки надвор од САД, а ќе им бидат потребни „само третина од овие пари“ за да го купи Netflix, чија цена расте од ден на ден.
Шпекулациите дека Apple би можел да ја направи оваа инвестиција траат веќе повеќе од една година, но Netflix не сака да потврди дека официјален интерес постои помеѓу двете компании. Сепак, експертите сметаат дека новите измени на законите за данок комплетно ја менуваат ситуацијата и сега е 40% поверојатно дека оваа зделка ќе се случи до крајот на календарската година.
Apple има проблеми со пласирање на оригинална содржина на нивните платформи, што се должи на ограниченоста на iTunes платформата. Затоа, од компанијата гледаат на Netflix како отскочна даска каде би можеле да застапат многу повеќе оригинална содржина, па можеби и самите да ја продуцираат.